Kisi Ki Aankh Jo Purnam Nahin Hai

Kisi Ki Aankh Jo Purnam Nahin Hai
Na Samjho Ye Ke Us Ko Gham Nahin Hai
Sawaad-E-Dard Main Tanha Khada Hoon
Palat Jaaun Magar Mausam Nahin Hai
Samajh Main Kuch Nahin Aata Kisi Ke
Agarche Guftagu Mubham Nahin Hai
Sulagta Kyun Nahin Taarik Jangal
Talab Ki Lao Agar Maddham Nahin Hai
Ye Basti Hai Sitam Parvar Digaan Ki
Yahaan Koi Kisi Se Kam Nahin Hai
Kinara Dusra Dariya Ka Jaise
Wo Saathi Hai Magar Mehram Nahin Hai
Dilon Ki Roshni Bujhne Na Dena
Wajud-E-Tergi Mahkam Nahin Hai
Main Tum Ko Chaah Kar Pachhta Raha Hoon
Koi Is Zakhm Ka Marham Nahin Hai
Jo Koi Sun Sake ‘Amjad’ To Suna Dena
Bajuz Ek Baaz Gasht-E-Gham Nahin Hai...!!!